Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Diplomacia ruse ka reaguar ndaj anëtarësimit të Kosovës në Gjykatën e Përhershme të Arbitrazhit në Hagë. Maria Zakharova, zëdhënëse në Ministrinë e Jashtme ruse, ka thënë se përkrahësit e pavarësisë së Kosovës mundësuan anëtarësimin e saj në këtë mekanizëm, duke shfrytëzuar përparësinë e tyre numerike. Sipas fjalëve të saj “rezultati i votimit ka qenë i paracaktuar qysh para fillimit të seancës”. “Ne konsiderojmë që Kosova është pjesë e Serbisë, në pajtim me Rezolutën 1244 të Këshillit të Sigurimit. Vështirë se Kosova do të mund të sjellë kontribut të plotë për sa i përket bashkëpunimit me Gjykatën e Përhershme të Arbitrazhit. Është e qartë se Kosova, duke u anëtarësuar në këtë Gjykatë , synon që të anëtarësohet edhe në agjenci tjera ndërkombëtare. Veprime të tilla, jo vetëm se janë ilegale, por edhe injorojnë qëndrimin e Beogradit, të cilin Perëndimi e quan partner, sidomos në çështjet si dialogu me Prishtinën”, ka theksuar zëdhënësja e MPJ-së të Rusisë.
