Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ka dështuar për të shtatën herë më radhë konstituimi i Komisionit Hetimor Parlamentar, lidhur me menaxhimin e rezervave shtetërore, për shkak të bojkotit nga ana e deputetëve të mazhorancës. Kryetari i këtij komisioni nga radhët e PDK-së, Rashit Qalaj u shpreh se deputetët e Vetëvendosjes po e bojkotojnë me qëllim këtë komision. Sot është përpjekja e shtatë me radhë për konstituimin e Komisionit Hetimor Parlamentar për hetimin e dyshimeve lidhur me keqpërdorimin e rezervave shtetërore. Po e shihni se edhe pas shtatë tentative deputetët e shumicës parlamentare po e bojkotojnë punën e këtij komisioni me qëllim në mënyrë të planifikuar, me qëllimin që të gjitha ato dyshime për keqpërdorime mos të dalin në publik dhe mos të njoftohen qytetarët e Kosovës”, tha Qalaj. Ai shtoi se deputetët e partive opozitare pjesë e këtij komisioni janë konsultuar mes vete dhe kanë përpiluar një listë të personave që kanë planifikuar t’i thërrasin për të raportuar në këtë komision.
