Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Njëri nga dëshmitarët kryesorë në gjyqin kundër Fredi Belerit është arratisur jashtë shtetit, pasi ka marrë kërcënime nga persona e qarqe të caktuara. Këtë e ka rrëfyer gazetari Igli Celmeta i cili tha se Avdyl Rama i ka treguar se ka marrë kërcënime dhe shantazhe për të hequr dorë nga çështja. Gjyqi ndaj kryebashkiakut të zgjedhur të Himarës, Fredi Beleri, për shkak të blerjes së votave u shty për shkak se mungonte një dëshmitar. Seancat do të mbahen më 4 dhe 5 dhjetor. Pas dëshmisë në SPAK. dëshmitari është larguar nga territori i Shqipërisë, ndërsa babai i tij ka kërkuar urdhër mbrojtje. Madje ai ka deklaruar se babai është kërcënuar. Unë e kam çuar rastin te autoritetet përkatëse, por nuk ma kanë konfirmuar. Gjatë kontaktit me Avdyl Ramën, më ka bërë përshtypje një fjali. Më konkretisht ka thënë se ‘nëse i ndodh diçka babait tim, përgjegjës është banda e Belerit”, u shpreh gazetari Igli Celmeta. Dëshmitari Abdyl Rama, vëllai i bashkëpunëtorit të drejtësisë Arsen Rama që fundosi Fredi Belerin me akuzën për blerjen e votave nuk është gjetur nga policia e shtetit duke u bërë shkak për shtyrjen e seancës së radhës në Gjykatën e Posaçme.
