Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadorja e Shteteve të Bashkuara në OKB, Linda Thomas-Grinfield, gjatë fjalimit të mbrëmshëm përsëriti kërkesën që Kosova të pezullojë zbatimin e vendimit të BQK-së. Vendimi është marrë pa përgatitjen e duhur apo konsultime me popullatën lokale. Ne, edhe një herë kërkojmë që zbatimi i rregullores të pezullohet derisa të ndërmerren të gjitha procedurat në linjë me standardet evropiane dhe praktikat e qeverisjes së mirë, dhe që popullata e prekur të informohet mirë për procesin, tha ambasadorja Grinfield. Edhe zyrtarë të tjerë amerikanë më herët kanë shprehur shqetësime për rregulloren e BQK-së, me ambasadorin amerikan në Kosovë, Jeff Hovenier, që ka paralajmëruar se nëse Prishtina nuk dëgjon kërkesën e Uashingtonit, kjo mund të ketë ndikim në cilësinë e partneritetit mes dy shteteve. Ambasadorja u bëri thirrje Kosovës dhe Serbisë të mos ndërmarrin veprime përshkallëzuese dhe t’i kthehen dialogut.
