Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefja e UNMIK-ut, në Kosovë, Caroline Ziadeh, gjatë vizitës në Beograd, ka takuar ministrin e Jashtëm, Ivica Daçiq, dhe shefin e Zyrës për Kosovën në Qeverinë e Serbisë, Petar Petkoviq. Sipas njoftimeve nga Zyra e UNMIK-ut, Ziadeh ka diskutuar disa tema, duke përfshirë raportin e ardhshëm të Sekretarit të Përgjithshëm të OKB-së përpara seancës së ardhshme të planifikuar të Këshillit të Sigurimit për UNMIK-un gjatë prillit. Ajo theksoi rëndësinë e vazhdimit të përpjekjeve me mirëbesim për të gjetur zgjidhje kompromisi brenda kornizës së dialogut të lehtësuar nga BE-ja dhe Marrëveshjes për rrugën drejt normalizimit të marrëdhënieve. Diskutimet përfshinin përpjekjet që po ndërmerren për zgjidhjen e çështjeve të monedhës në zonat me shumicë serbe të Kosovës, perspektivat për zgjedhje të reja lokale në komunat veriore të Kosovës dhe hapat e nevojshëm drejt themelimit të Asociacionit të Komunave me shumicë serbe. Diskutimet gjithashtu mbuluan një sërë çështjesh për forcimin e paqes dhe stabilitetit rajonal.
