Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i Grupit Parlamentar të AAK-së, Besnik Taniri, ka bërë të ditur se ditët e ardhshme do të jenë shumë të rëndësishme për Kosovën në procesin e anëtarësimit të saj në Këshillin e Evropës. Në një deklaratë për mediat, ai ka shpjeguar se si delegacioni kosovar është i përfshirë në aktivitetet në Strasburg për të përshpejtuar këtë proces. Të hënën, 15 prill 2024, do të karakterizohet nga diskutimet në dy komitete të Asamblesë Parlamentare të Këshillit të Evropës. Komiteti për Barazi dhe Mos diskriminim, si dhe Komiteti për Çështje Ligjore dhe të Drejta të Njeriut, do të analizojnë raportet për aplikimin e Kosovës në Këshillin e Evropës. Dita e dytë, e martën, 16 prill 2024, është thelbësore, pasi do të mbahet takimi i plotë i Asamblesë Parlamentare. Në këtë sesion, do të diskutohet raporti për aplikimin e Kosovës në Këshillin e Evropës, ku pritet që raporti i znj. Dora Bakoyannis të marrë 2/3 e votave të anëtarëve të pranishëm. Në rast të suksesit në këtë sesion, raporti do të procedohet te Komiteti i Ministrave për një takim më 16 dhe 17 maj 2024. Gjatë këtyre takimeve, pritet të kundërshtohen vende si Spanja, por shpresat janë të larta për një rezultat të favorshëm për Kosovën.
