Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Muhamet Hamiti, përfaqësues i LDK-së, ka veçuar faktin se vendi po përjeton muajin e 11-të të sanksioneve ndërkombëtare për fajin e qeverisë së udhëhequr nga Lëvizja Vetëvendosje dhe Lista Guxo. Për herë të parë në historinë e vendit, Kosova është nën sanksione për një periudhë të gjatë, duke shprehur shqetësimin për ndikimin e kësaj gjendjeje në zhvillimin dhe stabilitetin e vendit. Sanksionet e vazhdueshme kanë kushtuar Kosovës qindra milionë euro në projekte të bllokuara nga Bashkimi Evropian, duke penguar progresin dhe zhvillimin e vendit tonë, tha Hamiti. Ai gjithashtu nënvizoi se është koha që autoritetet të marrin masa të nevojshme për të shmangur pasojat negative të sanksioneve, duke përqendruar përpjekjet në përmbushjen e kushteve të vendosura nga komuniteti ndërkombëtar.Hamiti apeloi për një qeverisje më të përgjegjshme dhe të vendosur në zgjidhjen e sfidave të vendit, duke shprehur besimin se vetëm në këtë mënyrë Kosova mund të arrijë përparimin dhe të kthehet në rrugën e zhvillimit të qëndrueshëm.
