Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Mbrojtjes së Kosovës, Ejup Maqedonci, është takuar me ministrin e Mbrojtjes të Polonisë, Vladislav Kamysz në konferencën për siguri, që po mbahet në Varshavë. Ministrin Kamysz e informova rreth situatës së sigurisë në vend dhe rajon, gjersa shpreha dhe shqetësimin tim për militarizimin e Serbisë dhe 48 bazat e ushtrisë dhe xhandarmërisë serbe të vendosura përgjatë vijës kufitare me Kosovën, e gjithashtu dyshimin e bazuar me rastin e sulmit në Banjskë që grupet terroriste po mbështeten nga strukturat e sigurisë të shtetit të Serbisë me qëllim për të shkaktuar destabilizimin e Kosovës dhe Ballkanit në përgjithësi”, ka thënë Maqedonci. Ministri i Mbrojtjes shtoi se Kosova do të ofrojë mbështetje të pakursyer për Ukrainën “brenda kapaciteteve tona shtetërore”, duke theksuar se me ministrin polak u dakorduan për vendosje të bashkëpunimit.
