Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Raportimi i drejtorit të Policisë së Kosovës, Gazmend Hoxha në Komisionin për Siguri dhe Mbrojte, ka shkaktuar dhe ka nxitur tensione. Kryetari i këtij komisioni, deputeti i AAK-së, Bekë Berisha ka pyetur drejtorin Hoxha për raportimet në media lidhur me ndryshimet e bëra tek Njësia e Hetimeve në Polici, për largimin e shefit të Task Forcës Antikorrupsion, Shemsi Haziri, duke e zëvendësuar këtë të fundit me Betim Berishën, i cili është i afërt i ministrit, Xhelal Sveçla. Në këtë rast, Bekë Berisha përmendi hetimet ndaj Martin Berishajt. Majori i policisë, Shemsi Haziri kishte qenë tri herë në takime, dy herë në Malin e Zi, dhe një herë në Slloveni për rastin e pretenduar të korrupsionit të Martin Berishës. Dhe pas kthimit të majorit nga Mali i Zi, herën e fundit ka ndodhur transferimi. Ky paska qenë pikë kontakti i vetëm me hetuesinë e Malit të Zi dhe ky për atë arsye është larguar nga Betimi. Pastaj i keni thënë ju drejtor, ‘ti duhet të hiqesh prej këtu’. Nënkuptohet prej presionit politik, në fakt edhe kështu funksionon politika përmes drejtorit”, theksoi Bekë Berisha.
