Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qendra Presidenciale Clinton ka përkujtuar 25 vjetorin e çlirimit të Kosovës. Kjo qendër, e cila përfaqëson një perspektivë të veçantë të punës, të kaluarës, të tashmes dhe të ardhmes së presidentit Bill Clinton, theksoi rolin e Shteteve të Bashkuara të Amerikës dhe aleatëve të NATO-s në çlirimin e Kosovës. Qendra Presidenciale Clinton rikujtoi se SHBA-ja, nën udhëheqjen e presidentit Bill Clinton, drejtoi një fushatë ajrore të NATO-s që dëboi me sukses forcat serbe, duke i dhënë fund një dekade shtypjeje dhe një fushate brutale të pastrimit etnik në Kosovë. “Aksioni ushtarak ndihmoi në rivendosjen e vetëqeverisjes për krahinën dhe çoi në pavarësi për Kosovën në 2008,” thuhet në postim. Në vitin 1999, kur u mor vendimi për të sulmuar caqet serbe, kryetar i Shteteve të Bashkuara ishte Bill Clinton. Vendimi i tij për të ndërhyrë ushtarakisht në konfliktin e Kosovës shënoi një moment kyç në historinë e rajonit, duke i dhënë fund luftës dhe duke hapur rrugën për një të ardhme të re për popullin e Kosovës. Përkujtimi i 25 vjetorit të çlirimit të Kosovës është një dëshmi e përkushtimit të vazhdueshëm të kësaj qendre për të kujtuar momentet historike që kanë formuar botën e sotme.
