Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me një kumtesë për media, dega e AAK-së në Deçan, ka kundërshtuar Marrëveshjen e Demarkacionit duke akuzuar me këtë qeveritarët e vendit. Në kumtesë thuhet se kryetari i ndjerë, Ibrahim Rugova dhe emri i tij, nuk mbrohen nga disa matrapazë, që gjithë jetën e tyre s’kanë bërë gjë tjetër, përpos që janë fshehur pas emrit të tij. Nëse ju qenkeni kaq patriotë e të lidhur me emrin e tij, mbroni parimet e tij, e mos shitni dokrra e kopalla. që shiten nga soji i sorollopit të Bajram Gecajt me shokë. Ky far Gecaj, që s’la njeri pa fyer e pa sharë, manipulon me opinionin publik duke përmendur do farë planesh hapsinore të Komunës së Pejës, do farë parqesh nacionale, se gjoja ato qenkan miratuar në kufijtë që i ka caktuar Isa e Hashimi. I përgjigjemi këtij mjerani se plani hapësinor e parku nacional, nuk e përcaktojnë kufirin e shtetit, prandaj është bërë një marrëveshje dhe një proces demarkacioni, dhe kjo është bërë keq. Sikur ky farë Gecaj dhe shefi i tij të ishin parimor, në vend të planit hapësinor të Pejës, do të duhej ta përmendin vendimin e Asamblesë Komunale të Pejës, me të cilin kundërshtohet versioni aktual i demarkacionit, e jo të kapen për fije të paqëndrueshme, thuhet ndër të tjera në kumtesë.
