Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Televizioni i njohur amerikan, CNN, zhvilloi një sondazh të shpejtë me votuesit menjëherë pas debatit mes presidentit Joe Biden dhe rivalit të tij republikan, Donald Trump. Në pyetjen se kush e fitoi debatin, vetëm 33 për qind thanë se Bideni shënoi fitore, ndërsa 67 për qind thanë se debati u fitua nga ish-presidenti Trump. Sa i përket besimit në aftësinë e kandidatëve për ta udhëhequr vendin, 57 për qind e pjesëmarrësve thanë se nuk kanë besim të vërtetë në aftësinë e Bidenit, në krahasim me 44 për qind që e patën këtë bindje për Trumpin. Margjina e gabimit në sondazh ishte 5,5 për qind. Gjatë debatit, Bideni disa herë kishte vështirësi në shqiptimin e fjalëve. Në një çast, rivali i tij, Donald Trump, me shpoti pretendoi se nuk e kishte kuptuar Bidenin dhe se mendonte që as vetë presidenti nuk e dinte se ç’kishte thënë.
