Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aleanca e Veri-Atlantike, ka shprehur shqetësim për situatën aktuale të sigurisë në Kosovë dhe mundësinë e përkeqësimit të saj. Gjatë një takimi në Uashington për të shënuar 75-vjetorin e aleancës, NATO theksoi nevojën urgjente për dialog midis Kosovës dhe Serbisë për të arritur një zgjidhje politike. “NATO është shumë e shqetësuar për situatën e sigurisë dhe mundësitë e përkeqësimit të saj,” deklaroi një zyrtar i aleancës, raporton Zëri i Amerikës. Zyrtari paralajmëroi kundër veprimeve të njëanshme që mund të rrisin tensionet dhe të shkaktojnë trazira në rajon. Në saje të situatës, NATO ka rritur kapacitetet e misionit paqeruajtës në Kosovë, duke shtuar numrin e trupave nga 3 mijë e 700 në 4 mijë e 600 dhe përforcuar praninë e tyre në rajonin verior të Kosovës dhe përgjatë kufirit me Serbinë.
