Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyrtar të lartë të Qeverisë Kurti kanë shfaqur gatishmëri për të përgatitur draft për Asociacionin, të cilin e ka kundërshtuar ashpër partia Vetëvendosje sa ishte në opozitë. Zëvendësministri i Drejtësisë, Vigan Qorrolli ka pranuar mundësinë për hartimin e një drafti për statutin e Asociacionit dhe ka shtuar se ai do të bëhej në përputhje me Kushtetutën e Kosovës. Zyrtarë të Qeverisë Kurti janë cituar të kenë thënë për Kosovapres se se janë të gatshëm për hartimin e një draft-statuti të Asociacionit të komunave me shumicë serbe, por jo të ndarë nga Marrëveshja Bazë e Brukselit dhe aneksi i Ohrit. Në anën tjetër, profesori i të drejtës dhe marrëdhënieve ndërkombëtare, Enver Hasani ka thënë se tendenca e qeverisë që të themelojë vet një draft-statut për Asociacionin është joserioze sepse procedura për themelimin e Asociacionit dihet dhe se qeveria s’mundet njëanshëm të hartojë të njëjtit, por duhet të shkojë përmes ndërmjetësve në dialog dhe me pajtimin e palës serbe.
