Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Fondacioni, “Përkrahje për mbrojtjen juridike të Hashim Thaçit”, ka dorëzuar një kërkesë zyrtare te kryeparlamentari Glauk Konjufca, kryeministri Albin Kurti dhe ministrja e Drejtësisë, Albulena Haxhiu, për rritje të fondeve të nevojshme për mbrojtjen juridike të ish-krerëve të UÇK-së. Kryesuesi i këtij fondacioni, Ismail Syla, ka bërë të ditur se kërkesa u dorëzua më 12 gusht dhe argumenton se mungesa e mjeteve financiare ka çuar në largimin e një nga avokatët kryesorë të Hashim Thaçit, me mundësinë që avokati aktual të largohet gjithashtu. Ky zhvillim do të ndikonte negativisht në procesin gjyqësor, duke e shtyrë atë për së paku gjashtë muaj. Fondacioni ka shpenzuar 8 milionë e 195 mijë e 800 euro gjatë vitit 2023 për mbrojtjen e të akuzuarve në Dhomat e Specializuara në Hagë, duke tejkaluar buxhetin e ndarë prej 7 milionë eurosh.
