Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti shqiptar në Parlamentin e Serbisë, Shaip Kamberi, ka reaguar ashpër ndaj shfaqjes së grafiteve antishqiptare, në Bujanoc, duke i konsideruar ato si nxitje të dhunës ndaj komunitetit shqiptar. Në një letër të gjatë dërguar Ambasadës së SHBA-së, Misionit të OSBE-së dhe Ambasadës Britanike në Serbi, Kamberi ka shprehur shqetësimin për rritjen e ndjenjës antishqiptare dhe pasivizimin e adresave të shqiptarëve. Ai theksoi se multietniciteti duhet të përfaqësojë barazi dhe respekt për të gjitha komunitetet, duke paralajmëruar se diskursi përjashtues i disa zyrtarëve qeveritarë rrezikon ekuilibrin delikat të kësaj zone. Kamberi u bëri thirrje komunitetit ndërkombëtar që të dënojë gjuhën e urrejtjes dhe retorikën ksenofobike që po përhapet në Kosovën Lindore.
