Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Faton Klinaku, përfaqësues i OVL-UÇK-së, ka kritikuar ashpër Qeverinë e Kosovës për mos rritjen e pensioneve për veteranët dhe për heqjen e tyre nga lista e përfituesve të pagës minimale. Klinaku ka bërë thirrje publike që veteranët dhe familjet e tyre të mos i besojnë pushtetit aktual, duke e akuzuar për mashtrim dhe manipulim. Rritja e pagës minimale në 350 euro është një veprim që synon të mashtrojë qytetarët, duke vënë në dukje se ky vendim nuk i kushton asgjë Qeverisë, pasi barra e kësaj rritjeje bie mbi punëdhënësit. Faton Klinaku paralajmëron se qeveria mund të përdorë rritjen e pensioneve të veteranëve si një taktikë elektorale gjatë fushatës zgjedhore. Ai gjithashtu kritikon procesin e gjoja verifikimit të veteranëve, duke e quajtur atë një farsë të cilën qeveria e ka përdorur për të manipuluar opinionin publik, pasi ky proces, i cili është pjesë e një çështjeje gjyqësore që ende nuk ka përfunduar, nuk ka sjellë asnjë përfitim real për veteranët.
