Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Francës, Emmanuel Macron, gjatë një konference për nënshkrimin e 11 marrëveshjeve me Serbinë, adresoi edhe çështjen e dialogut mes Kosovës e Serbisë, duke theksuar rëndësinë e kompromisit dhe guximit politik për të arritur normalizimin e marrëdhënieve. Macron lavdëroi Serbinë për fillimin e zbatimit të marrëveshjes së Ohrit, duke e vlerësuar për guximin e treguar. “Normalizimi i marrëdhënieve mes Beogradit dhe Prishtinës është thelbësor për afrimin e Bashkimit Evropian dhe nuk mund të zgjidhet pa kompromis të të dyja palëve,” deklaroi Macron. Zbatimi i marrëveshjes së Ohrit nga Serbia është një hap i rëndësishëm, ka saktësuar ai duke përgëzuar autoritetet serbe për vendimet e marra në fund të vitit të kaluar. Macron kritikoi Kosovën për veprimet e njëanshme që, sipas tij, po nxisin tensione. Ai veçoi kushtet e jetesës së komunitetit serb në Kosovë dhe theksoi përkushtimin e Francës për zbatimin e Asociacionit të Komunave me Shumicë Serbe.
