Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj, ka kritikuar kryeministrin Albin Kurti, lidhur me qëndrimin e tij ndaj Korporatës Energjetike të Kosovës. Ai e konsideron lavdërimin e Kurtit për KEK-un si të çuditshëm dhe krejt të pakuptimtë, duke sqaruar se Kurti po u drejtohet përfituesve të mëdhenj të KEK-ut, në vend të punëtorëve të kompanisë. Haradinaj ka akuzuar qeverinë për mungesë transparence në lidhje me importin e energjisë elektrike, duke kërkuar sqarime për shumat e shpenzuara dhe furnizuesit. Haradinaj rikujtoi refuzimin nga ana e Kurtit të gazit amerikan dhe anulimin e projektit Kosova C, si dhe shtrenjtimi i dyfishtë i energjisë për qytetarët. Kosovës i mbetet që edhe këtë dimër të lutet që do të jetë dimër i butë dhe të ketë rrymë të mjaftueshme dhe çmim të lirë në treg, paralajmëron Haradinaj, duke shprehur shqetësimin e tij lidhur me situatën energjetike në vend.
