Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në mbledhjen e saj të fundit, Qeveria e Kosovës ka miratuar Programin Kombëtar për Mbrojtjen Gjithëpërfshirëse. Ministri i Mbrojtjes, Ejup Maqedonci, ka theksuar se ky program është i ngjashëm me sistemet e mbrojtjes në disa vende të NATO-s, veçanërisht në ato baltike. Ai ka shpjeguar se ky program do të përfshijë një rol të rëndësishëm për qytetarët e Kosovës. Mbrojtja gjithëpërfshirëse është një strategji qeveritare që përfshin një qasje mbarë shoqërore në sistemin e mbrojtjes, duke ruajtur interesat jetike të vendit dhe të qytetarëve. “Në të gjitha vendet e NATO-s janë duke i rishikuar sistemet e mbrojtjes dhe sigurisë. Gjatë këtij viti, një ndër prioritetet e mia ka qenë programi dhe në këtë mbledhje ky program u miratua. Zbatimi i tij do të bëhet pasi të jenë gati të gjitha dokumentet e tjera përkatëse,” ka thënë Ejup Maqedonci.
