Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjenerali i Ushtrisë Çlirimtare të Kosovës, dhe një nga komandantët më të shquar të saj, Lahi Brahimaj, ka folur për zgjedhjet që pritet të mbahen më 9 shkurt të vitit 2025. Brahimaj ka kritikuar ashpër kryeministrin Albin Kurti për katër vitet e qeverisjes së tij, duke theksuar dështimin e qeverisë për të koordinuar në mënyrë efikase me ndërkombëtarët për çështje të rëndësishme, përfshirë situatën në lidhje me Uren e Ibrit. Brahimaj ka njoftuar se do të kandidojë për deputet në listën e Aleancës për Ardhmërinë e Kosovës, dhe shpreson që partia që udhëhiqet nga Ramush Haradinaj të fitojë 15 ulëse në Kuvendin e Kosovës. Ai ka theksuar se AAK-ja nuk ka ndërmend të bëjë koalicion me Lëvizjen Vetëvendosje, por nuk ka vija të kuqe ndaj partive të tjera.
