Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gazeta ‘Lajm’ nga Shkupi ka mësuar se shkak për shtyrjen e seancës së djeshme për Grupin e Kumanovës nuk ka qenë ndërprerja e rrymës elektrike, siç është thënë zyrtarisht. Burimet e cituara nga kjo gazetë kanë thënë se shkaku i ndërprerjes së seancës ka qenë dëshmia tronditëse e një polici maqedonas në lidhje me luftimet në Lagjen e Trimave në Kumanovë. Ai ka pranuar para Gjykatës se Mirsad Ndrecaj është arrestuar i gjallë nga policia. Njëri prej avokatëve mbrojtës ka bërë një pyetje të zhdërvjelltë, kur e pyeti policin dëshmitar se a e ka arrestuar ai Mirsad Ndrecajn apo kolegu i tij. Me këtë rast, polici u përgjigj se Mirsadin e ka arrestuar një koleg i tij. Pas kësaj dëshmie tronditëse që bjen ndesh me versionin zyrtar të ngjarjes, ka reaguar trupi gjykues që kërkoi ndërprerjen e seancës. Kjo dëshmi konfirmon edhe njëherë dyshimet e ngritura se shumë nga të vrarët në Kumanovë janë ekzekutuar pasi janë dorëzuar.
