Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjeneral majori italian, Enrico Barduani, nga 11 tetori do ta marrë udhëheqjen e misionit paqeruajtës të NATO-s në Kosovë-KFOR. Në një ceremoni që është e përvjetshme, Barduani, do ta zëvendësojë, nga posti i komandantit të KFOR-it, gjeneralin turk, Ozkan Ulutash, i cili mori udhëheqjen e misionit, më 10 tetor 2023. Në historinë 25 vjeçare të KFOR-it në Kosovë, Ulutash, ka qenë i pari gjeneral nga Turqia, që ka udhëhequr me trupat e misionit paqeruajtës së Aleancës-Veri Atlantike, që këtu u vendosën qershorin e vitit 1999, pas kapitullimit të Serbisë, dhe çlirimit të Kosovës. Pas trazirave në Zveçan, në maj dhe shtator të vitit të kaluar, NATO-ja ka shtuar dukshëm numrin e ushtarëve të saj, si dhe patrullimet në vijën kufitare Kosovë-Serbi.
