Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ushtarët anglezë kanë bërë histori duke u bërë trupat e para të NATO-s që kanë arritur në Kosovë përmes korridorit të ri strategjik Adriatik-Deti i Zi, i njohur si “Korridori i 8-të”. Ky korridor, i projektuar për të përshpejtuar dërgimin e trupave, kalon përmes Shqipërisë, Maqedonisë së Veriut dhe Bullgarisë, duke lidhur Adriatikun dhe Detin e Zi. Batalioni i Parë është vendosur në Kosovë përmes këtij korridori dhe do të mbetet pjesë e operacioneve të KFOR-it deri në vitin e ardhshëm. Rreth 300 ushtarë britanikë të këtij batalioni arritën në Kosovë më 18 shtator për stërvitje rutinore me trupat e tjera të KFOR-it. Kjo stërvitje synon të testojë dislokimin e shpejtë të trupave shtesë dhe integrimin e tyre në kuadër të misionit paqeruajtës të NATO-s. KFOR-i ka njoftuar se këto ushtrime do të rrisin gatishmërinë për t’iu përgjigjur zhvillimeve të sigurisë në rajon.
