Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me afrimin e zgjedhjeve, Qeveria e Kosovës po përpiqet të prezantojë tregues pozitivë të zhvillimit ekonomik, me ministrin e Financave, Hekuran Murati, në qendër të këtyre përpjekjeve. Së fundi, Murati deklaroi se ekonomitë familjare kanë përfituar 1.5 miliardë euro gjatë mandatit të Qeverisë Kurti, duke përmendur një rritje të “gjithëpërfshirëse” ekonomike. Opozita nuk e ka pritur mirë këtë deklaratë. Deputeti i PDK-së, Arben Mustafa, kritikoi Muratin, duke theksuar se një rritje prej 3.3% nuk është e mjaftueshme për të folur për përmirësime të konsiderueshme në të ardhurat e qytetarëve. Mustafa gjithashtu theksoi se, për shkak të inflacionit, vlera e depozitave bankare ka rënë ndjeshëm. Nga ana tjetër, Berat Rukiqi nga LDK, e quajti pretendimin e Muratit të pabazë, duke vënë në dukje se qytetarët sot shpenzojnë rreth 60% të të ardhurave të tyre për nevoja bazike, si ushqimet dhe barnat.
