Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i PDK-së, Adem Grabovci në një intervistë dhënë për gazetën ‘Epoka e Re’ ka folur për çështjen e demarkacionit. Ndonëse ka thënë se kjo marrëveshje duhet të votohet në Kuvend, ai ka këshilluar që për shkak të kundërshtimeve të shumta, të ndiqet shembulli Slloveni-Kroaci, në mënyrë që kjo çështje të mbetet e hapur për revidim apo arbitrazh ndërkombëtar. Grabovci ka shtuar se për këtë duhet të ketë edhe pajtim mes dy shteteve. Sipas tij, opozita nuk i ka ndihmuar kësaj çështje pasi që e ka politizuar skajshmërisht atë. Ndërkaq duke folur për punën e deritashme të Qeverisë, Grabovci ka thënë se disa ministri nuk kanë qenë në lartësinë e detyrës, prandaj sipas tij, është koha që partnerët e koalicionit ta vlerësojnë punën e gjithsecilit.
