Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori Ekzekutiv në Institutin GAP, Blendi Hasaj, ka theksuar se Kosova ka shumë biznesmenë dhe një interes të madh nga diaspora, por se mungon një platformë që mundëson ndërlidhjen e duhur mes tyre për tërheqjen e investimeve. Sipas Hasaj, Qeveria e Kosovës nuk ka arritur të bindë diasporën që të investojë në mënyrë të qëndrueshme në Kosovë. “Në bazë të dhënave për mundësitë e krijuara për diasporën për të investuar, rezulton se vetëm në 10 vitet e fundit, diaspora ka investuar 2.5 miliardë euro kryesisht në sektorin e patundshmërisë,” ka deklaruar ai. Hasaj shtoi se Qeveria nuk ka ndërtuar mekanizma institucionalë që të lehtësojnë procesin e investimeve nga diaspora në sektorë të ndryshëm. Ai theksoi rëndësinë e sektorit të IT-së, ku shumë kompani të suksesshme janë themeluar falë lidhjeve me qytetarë të Kosovës që jetojnë dhe punojnë jashtë, por sipas tij, Qeverisë i mungon një instrument i qëndrueshëm për të kanalizuar më lehtë këto investime.
