Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëdhënësi i Bashkimit Evropian, Peter Stano, ka deklaruar se çështja e institucioneve paralele të Serbisë në Kosovë kërkon adresim në kuadër të dialogut të ndërmjetësuar nga BE-ja në Bruksel. Deklarata vjen pas arrestimit të një serbi nga Kosova, i cili sipas burimeve serbe, pretendohet të jetë drejtor shkolle dhe të ketë poseduar një vulë ilegale në momentin e hyrjes në Kosovë. Stano, në konferencën për shtyp, shpjegoi se statusi dhe tranzicioni i shërbimeve publike dhe sociale të mbështetura nga Serbia, si kujdesi shëndetësor dhe arsimi, janë çështje të cilat kërkojnë zgjidhje në dialogun e Brukselit. Ai paralajmëroi se veprimet e njëanshme për kufizimin e këtyre shërbimeve mund të ndikojnë negativisht në jetesën e serbëve të Kosovës dhe komuniteteve të tjera, duke e përshkruar këtë si pengesë për integrimin evropian të Kosovës.
