Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Shqiptarët në Maqedoninë e Veriut, Ziadin Sela e ka konsideruar skandaloze deklaratën e kryeministrit të Kosovës, Albin Kurti, në lidhje me gjuhën shqipe. Ai kritikoi Kurtin për përhapjen e një “të pavërtete të madhe” dhe për kundërshtimin e përdorimit të gjuhës shqipe në Maqedoninë e Veriut, duke e lidhur këtë me periudhën kur temat kryesore të lajmeve ishin irredentizmi, nacionalizmi dhe separatizmi shqiptar. Sela gjithashtu përmendi shqetësimet për përpjekjet e VMRO-DPMNE që, përmes Gjykatës Kushtetuese, synon të minojë arritjet e shqiptarëve në Maqedoninë e Veriut, duke hequr ligjin për përdorimin e gjuhës shqipe dhe parimin e përfaqësimit të drejtë të shqiptarëve, duke i kthyer ata në pozita të pasigurisë kushtetuese, siç ishte situata gjatë viteve 1990. Ziadin Sela theksoi se ishte skandaloze që Kurti bëri thirrje për relativizimin e këtyre problemeve, duke mos ngritur shqetësime për shkeljen e të drejtës së votës dhe për shqiptarët në Maqedoninë e Veriut që po përballen me kërcënime të drejtpërdrejta të të drejtave të tyre.
