Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Financave, Hekuran Murati, ka thënë se qytetarët që nuk dëshirojnë të pranojnë ndihmën prej 100 eurove nga Qeveria, mund ta refuzojnë atë. Kjo deklaratë ka ngjallur reagime të shumta. Deputetja e Lidhjes Demokratike të Kosovës, Hykmete Bajrami, i ka drejtuar dy pyetje ministrit Murati, duke kritikuar qasjen e tij. “Dy pyetje për Hekuran Muratin: Qytetarëve, të cilët në këto ditë të ftohta s’po kanë rrymë nga 8 orë, Hekurani sot ju paska dhënë një mundësi: ai paska thënë: ‘Nëse nuk i doni 100 euro, mos i merrni’, dhe po ju tregon mënyrën se si mund t’i refuzoni ato”. A e kanë mundësinë qytetarët mos të i paguajnë faturat e rrymës, pasi që në këto ditë të ftohta po përballen me nga 8 orë reduktime? A e kanë pasur qytetarët mundësinë mos me paguar 50% më shumë TVSH si rezultat i ngritjes enorme të çmimeve? Bajrami tha se Murati nuk duhet ta trajtojë buxhetin e shtetit si me qenë buxhet i tij personal. Ti thjesht ke mbledhur tatime e taksa për ta bërë jetën e qytetarëve më të mirë, dhe meqë ke dështuar, tash po ua kthen qytetarëve një pjesë të parave të tyre. Kaq”, shkruan Hykmete Bajrami.
