Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryetari i OVL të UÇK-së, Hysni Gucati, ka ndarë detaje nga përvoja e tij në paraburgim në Hagë, duke përmendur vizita selektive të zyrtarëve dhe duke kritikuar ashpër Gjykatën Speciale dhe prokurorin Jack Smith. Ai tha zëvendës-kryeministri Besnik Bislimi kishte vizituar vetëm Rexhep Selimin, duke anashkaluar pjesëtarët e tjerë që po mbaheshin në paraburgim. “Erdhi në vizitë, vizitë tinëzare. E ka vizituar vetëm Rexhën, te ne nuk ka qenë kurrë,” tha Gucati. Në lidhje me rrjedhjen e dokumenteve të Gjykatës Speciale, Gucati ngriti akuza të rënda ndaj prokurorit Jack Smith, duke e quajtur atë “gënjeshtar të madh” dhe duke e akuzuar për falsifikime. “Për katër vjet e gjysmë nuk ka mundur të zbulojë kush i vodhi ato 7 mijë faqe dokumentesh,” tha ai, duke shtuar se kjo situatë mund të jetë përdorur për të destabilizuar vendin. Ai përmendi gjithashtu sfidat e burgimit, si mungesën e vizitave familjare për 11 muaj, por vlerësoi trajtimin nga gardianët dhe stafi mjekësor.
