Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Atdhe Prelvukaj, i cili më parë ka shërbyer si këshilltar i jashtëm në Ministrinë e Punëve të Jashtme dhe Diasporës, është punësuar në pozitën e Zyrtarit të Shërbimit të Jashtëm, pavarësisht kufizimeve të përcaktuara nga legjislacioni në fuqi. Prelvukaj fillimisht ishte angazhuar si këshilltar i zëvendësministres Liza Gashi dhe më pas në kabinetin e ministres Donika Gërvalla. Emri i tij figuron në listën e kandidatëve të përzgjedhur pas konkursit të shpallur më 28 tetor 2024 për 21 pozita në MPJD. Ligji specifikon se këshilltarët politikë konsiderohen zyrtarë të lartë dhe u ndalohet të aplikojnë për pozita në administratë gjatë mandatit të tyre. Kjo situatë ka ngjallur dyshime për shkelje të ligjit dhe konflikt interesi, duke ngritur shqetësime për zbatimin e dispozitave ligjore në administratën publike të Kosovës.
