Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mërgim Lushtaku, kandidat i PDK-së, për deputet, ka shprehur optimizëm të madh për fitoren në zgjedhjet e ardhshme, duke e cilësuar këtë si një moment historik për Kosovën. Lushtaku theksoi se angazhimi i tij dhe i ekipit të PDK-së është i palëkundur për të rikthyer vendin në rrugën e duhur. “Ne nuk ndalemi! Me vendosmëri dhe besim të plotë, jemi 100% të sigurt për fitoren që do të hapë një kapitull të ri për Kosovën,” shkroi Lushtaku, duke shtuar se çdo qytetar dhe çdo takim po shndërrohet në një frymëzim për ndryshim. Ai nënvizoi rëndësinë e drejtësisë, dinjitetit dhe mundësive të barabarta për të gjithë qytetarët, duke e cilësuar këtë moment si një pikë kthese për të ndërtuar një të ardhme më të mirë për vendin. Me slogane si “Kosova meriton më mirë” dhe “Koha për të lulëzuar”, Lushtaku ftoi qytetarët të bashkohen në vizionin e PDK-së për një Kosovë të re dhe të drejtë.
