Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryenegociatori i Kosovës në dialogun me Serbinë, Avni Arifi, ka shprehur kritika të ashpra për punën e ministres së Jashtme, Donika Gërvalla, duke e cilësuar atë si të papërshtatshme për këtë rol. Në një deklaratë të tij ai e përshkroi performancën e saj si “mjerim për Kosovën”, duke vënë në pah mungesën e nivelit dhe fokusit në politikën e jashtme. “Ka qenë mjerim për Kosovën kënd e ka pasur ministre të Jashtme. Pa nivel diplomatik, pa fokus, arrogante, e hidhëruar që e ka përdorur për qërim hesapesh, gjuajtje shtrigash në ministri. Fyerje dhe sharje të opozitës. Kjo ka qenë ministrja, deklaroi ai. Avni Arifi theksoi gjithashtu se nën udhëheqjen e Albin Kurtit dhe Donika Gërvallës, politika e jashtme e Kosovës ka pësuar regres, duke përmendur marrëdhëniet me Shtetet e Bashkuara të Amerikës dhe Bashkimin Evropian si shembuj të dështimeve. Derisa politika e jashtme udhëhiqet nga Albin Kurti e Donika Gërvalla, s’ka progres. As nuk ke njohje, as nuk ke progres, nënvizoi Avni Arifi.
