Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisioni Qendror i Zgjedhjeve, ka bërë të ditur se kryetari i këtij institucioni, Kreshnik Radoniqi, ka pritur në takim eurodeputeten, Nathalie Luaso, njëkohësisht shefe e Misionit Vëzhgues të Zgjedhjeve nga Bashkimi Evropian. Sipas njoftimit, takimi u fokusua në përgatitjet për organizimin e Zgjedhjeve për Kuvendin e Republikës së Kosovës, që do të mbahen më 9 shkurt 2025. Kryesuesi i KQZ-së, Kreshnik Radoniqi, theksoi rëndësinë e vëzhgimit të zgjedhjeve dhe siguroi se gjetjet e vëzhguesve do të merren seriozisht nga institucioni që ai udhëheq”, thuhet në njoftim. Gjatë takimit, KQZ gjithashtu informoi zonjë, Luaso dhe ekipin e Misionit të BE-së për përgatitjet në zhvillim, përfshirë mundësinë e votimit përmes postës për qytetarët jashtë Kosovës dhe trajnimin e trupave zgjedhorë. Ky takim thekson angazhimin e KQZ-së për sigurinë dhe transparencën e zgjedhjeve të ardhshme, duke siguruar që procesi zgjedhor të jetë i mbikëqyrur dhe i besueshëm për të gjithë qytetarët e Kosovës.
