Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dardan Krasniqi, kunati i ministres së Drejtësisë, Albulena Haxhiu, ka treguar arsyet e largimit të tij nga Kosova, duke e cilësuar periudhën e qeverisjes së Lëvizjes Vetëvendosje si ‘‘kohën më të neveritshme’’ për të. Në një deklaratë publike, Krasniqi ka thënë se është përballur me dyer të mbyllura në çdo aplikim për punë dhe se nuk i është dhënë as mundësia për një takim pesëminutësh me kryeministrin Albin Kurti. Ai po ashtu ka zbuluar se kryeministri i Shqipërisë, Edi Rama, e ka kontaktuar për t’i ofruar punë në tre pozita të ndryshme, ndërkohë që në Kosovë, sipas tij, nuk i është dhënë mundësia për të kontribuuar. Kudo që aplikoja, dyert ishin të mbyllura. Koha më e vështirë ka qenë tani, me këtë pushtet. Kur aplikova për një konkurs, mu tha se nuk i plotësoja kriteret, ndërkohë që në listën e përzgjedhur ishte një person që dikur kisha larguar nga puna për mosarritje, deklaroi Krasniqi.
