Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Vetëvendosjes, Glauk Konjufca, është arrestuar nga Policia e Kosovës, pasi ka hedhur gaz lotsjellës në mbledhjen e sotme të Kryesisë së Kuvendit. Në mbledhjen e Kryesisë së Kuvendit të Kosovës, ku pritej të diskutohej futja në rend dite të Projektligjit për ratifikimin e Marrëveshjes së demarkacionit me Malin e Zi, kanë marrë pjesë edhe përfaqësuesit e opozitës. Grupit Parlamentar të Vetëvendosjes, Glauk Konjufca, në kuadër të kundërshtimeve që kjo Marrëveshje të procedohet për shqyrtim e miratim në seancën e Kuvendit, hodhi gaz lotsjellës në sallë. Për pasojë mbledhja u ndërpre përkohësisht dhe tani ai arrestua. Konjufca paraprakisht në një prononcim për media e ka pranuar se ka hedhur gaz lotsjellës në Kryesi. Ai ka thënë se këtë e ka bërë për ta penguar caktimin e seancës për demarkacionin. “Unë kam kërkuar që demarkacioni të anulohet”, ka thënë Konjufca. Sipas tij, nëse kalon demarkacioni do të destabilizohet vendi.
