Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke u bazuar në Agjencinë e Lajmeve “Anadolu” medie të huaja njoftojnë se presidenti i Turqisë, Rexhep Taip Erdogan ka deklaruar se Shtetet e Bashkuara të Amerikës duhet të zgjedhin në mes të marrëdhënieve të tyre me Turqinë ose me Fethullah Gulen. Herët ose vonë, Shtetet e Bashkuara do të bëjnë një zgjedhje. Ose Turqinë ose FETO-n, është cituar të ketë deklaruar presidenti i Turqisë, Rexhep Taip Erdogan. Autoritetet turke kanë kërkuar edhe më parë ekstradimin e Fetullah Gylenit në Turqi për shkak se ai akuzohet se ka qenë I përfshirë në grusht shtetin por ai ka mohuar një gjë të tillë. Fethullah Gulen është një ish-aleat i Erdoganit por që tani e disa dekada jeton në mërgim në Pensilvani të Shteteve të Bashkuara të Amerikës.
