Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Lëvizjes Vetëvendosje, Shqipe Selimi, ka reaguar pas deklaratës së liderit të AAK-së, Ramush Haradinaj, i cili e përmendi atë si një nga kandidatët e pranueshëm për postin e kryetares së Kuvendit të Kosovës. Haradinaj, pas dështimit të seancës për zgjedhjen e kryetarit të Kuvendit, deklaroi se nëse do të propozohej Shqipe Selimi ose Saranda Bogujevci, AAK-ja do t’i votonte pa hezitim. Selimi tha se emërimet për pozita të tilla janë ekskluzivisht kompetencë e subjektit politik që ajo përfaqëson. Ajo theksoi se çfarëdo kandidature e propozuar nga Vetëvendosje pranohet dhe mbështetet nga të gjithë anëtarët e saj. Selimi shtoi se megjithëse AAK-ja ka të drejtë të shprehë qëndrime dhe sugjerime, në këtë rast specifik, vetëm Lëvizja Vetëvendosje ka të drejtë të bëjë propozimin për kryetarin e Kuvendit, një e drejtë e përcaktuar edhe nga kushtetuta.
