Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Asociacioni i Komunave të Kosovës ka paralajmëruar se mos konstituimi i Kuvendit të Kosovës po rrezikon zbatimin e projekteve kapitale në disa komuna. Sazan Ibrahimi, drejtor i Asociacionit, tha se Prishtina, Gjilani dhe Zubin Potoku do të mbeten të bllokuara në buxhetet e tyre pa miratimin përfundimtar në Kuvend. “Buxhetet komunale të këtyre tri komunave janë miratuar me vonesë dhe sipas procedurës, kërkohet miratim nga Kuvendi i Kosovës. Në mungesë të konstituimit të tij, këto komuna nuk mund të fillojnë zbatimin e projekteve të investimeve kapitale,” deklaroi Ibrahimi. Sipas tij, kriza politike në nivelin qendror ka impakt të drejtpërdrejtë në funksionimin e pushtetit lokal, duke penguar miratimin e fondeve dhe ligjeve të nevojshme për zhvillimin komunal. Nëse situata nuk zgjidhet së shpejti, rrezikohet që projekte jetike për qytetarët të shtyhen ose anulohen, çka do të ketë pasoja në shërbimet publike dhe zhvillimin ekonomik lokal.
