Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja nga radhët e Lidhjes Demokratike të Kosovës, Hykmete Bajrami ka drejtuar kritika të shumta ndaj Qeverisë dhe partisë Vetëvendosje të cilat i ka akuzuar për gjendjen e rënduar në vendin tonë në fushën e energjisë. Ajo ka shkruar se energjia në Kosovës po vjen përmes Serbisë. “Sot, në KEK funksionon vetëm blloku A3, me kapacitet 110 MW. KOSTT nuk ka publikuar fare ngarkesën ditore, me gjasë dje kanë marrë vërejtje nga “lart”. Asnjëri prej atyre që e quajnë veten ministra nuk thanë asnjë fjalë sot për energjinë: Sa po na kushton importi sot? Nga po vjen energjia? Kujt po ia paguajmë transportin? Po ua them unë: energjia po vjen kryesisht përmes Serbisë, në emër të “sovranitetit”, fqinjësisë së mirë ose falë kumbarëve të tregtisë me energji. LVV po e pamundëson konstituimin e Kuvendit dhe njëherësh deputetëve që të diskutojnë aty për këtë çështje me rëndësi jetike dhe jo vetëm” ka shkruar mes tjerash, deputetja, Hykmete Bajrami.
