Presidentja e Kosovës, Justina Shiroka Pula, ka pranuar një letër urimi nga presidenti i Portugalisë, António José Martins Seguro, me rastin e marrjes së detyrës.
Sipas njoftimit të Presidencës, presidenti portugez, në emër të popullit të Portugalisë dhe në emrin e tij personal, i ka përcjellë Shiroka Pulës urimet për marrjen e mandatit dhe dëshirat për sukses në ushtrimin e detyrës.
Në letrën e tij, Seguro ka shprehur gjithashtu dëshirën që gjatë mandatit të presidentes së Kosovës të thellohen më tej marrëdhëniet ndërmjet dy vendeve, me theks të veçantë në forcimin e lidhjeve të miqësisë dhe bashkëpunimit ndërmjet Portugalisë dhe Kosovës.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
