Komuna e Deçanit fton qytetarët që të kontribuojnë në mbrojtjen e mjedisit për një Deçan më të pastër, më të rregullt dhe më të sigurt

11/07/2025 Institucionet

Kryetari i Komunës së Deçanit, z. Bashkim Ramosaj zhvilloi një takim të përbashkët me përfaqësues të institucioneve relevante, ku u diskutua rreth koordinimit të veprimeve komunale me fokus në menaxhimin e ujit të pijshëm, ujit për ujitje dhe masave për parandalimin e zjarreve.

Në takim u trajtuan edhe çështje të tjera me rëndësi, si furnizimi i qëndrueshëm me ujë të pijshëm, shfrytëzimi efikas i burimeve ujore për bujqësi, si dhe domosdoshmëria e reagimit të shpejtë ndaj rrezikut të zjarreve gjatë muajve të verës.

Në takim u diskutua gjithashtu për nevojën e rritjes së kujdesit qytetar, duke përfshirë respektimin e hapësirave publike, shmangien e parkimit në trotuare dhe mirëmbajtjen e vegjetacionit në pronat private dhe publike.

Komuna, në bashkëpunim me institucionet partnere, do të vazhdojë të veprojë me përgjegjësi dhe në kohë, për sigurinë dhe mirëqenien e çdo qytetari.

Ftojmë të gjithë qytetarët që të kontribuojnë me përgjegjësi në mbrojtjen e mjedisit dhe respektimin e rregullave, për një Deçan më të pastër, më të rregullt dhe më të sigurt.

Kontrolloni gjithashtu

Zyra për Komunitete dhe Kthim pranon dhe shpërndan donacion për nxënësit nga komunitetet Rom, Ashkali dhe Egjiptian

Zyra për Komunitete dhe Kthim e komunës së Ferizajt ka pranuar një donacion nga Qendra …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara