Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Partisë Demokratike të Kosovës, Përparim Gruda, ka akuzuar Lëvizjen Vetëvendosje se po e sulmon Gjykatën Kushtetuese për shkak se vendimi i saj u ka hequr nga duart “mjetin e bllokadës” në Kuvend. Gruda tha se për muaj me radhë debati politik ishte përqendruar tek çështja e votimit të fshehtë. Sipas tij, opozita kishte argumentuar se një votim i tillë nuk lejohet, ndërsa pushteti kishte këmbëngulur për të kundërtën. “Gjykata Kushtetuese ka vendosur qartë se nuk lejohet votimi i fshehtë,” u shpreh ai. “Arsyeja pse Kushtetuesja po sulmohet nga pushteti është sepse në prapavijë ekziston pakënaqësia: ‘Pse nuk po na lejoni ende të bllokojmë Kuvendin e Kosovës’,” tha Gruda, duke theksuar se ky aktgjykim ka hequr një mjet të rëndësishëm nga duart e pushtetit. Ai theksoi se nuk ka vend për interpretime partiake të vendimit, por vetëm një lexim profesional. Sipas tij, dispozitivi i aktgjykimit tashmë është i qartë dhe nuk do të ndryshojë as kur të publikohet i plotë, përveç disa detajeve teknike në arsyetim.
