Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Heqja e tarifës prej 10 për qind për mallrat që importohen nga Shtetet e Bashkuara të Amerikës është vlerësuar nga njohës të ekonomisë si një hap pozitiv për tërheqjen e investimeve amerikane në Kosovë. Ekspertja e tregtisë ndërkombëtare, Sytrime Dervisholli, thotë se ky vendim duhet të pasohet me riaktivizimin e iniciativës për themelimin e një zone të veçantë ekonomike për bizneset amerikane – një sinjal i qartë për qeverinë dhe investitorët amerikanë. Kryetari i Odës Ekonomike Amerikane, Arian Zeka, kujton se studimi i fizibilitetit për këtë zonë është kryer që në vitin 2018, por nuk ka pasur veprime konkrete nga qeveritë pasuese. Sipas tij, një zonë e tillë do të përfitonte nga lehtësirat fiskale dhe do të mundësonte zhvendosjen e kapaciteteve prodhuese të bizneseve amerikane në Kosovë. Drejtori i Institutit GAP, Blendi Hasaj, thekson se ky hap mund të ndikojë në ristrukturimin e zinxhirit të furnizimit në rajon, duke i shtyrë tregtarët të importojnë drejtpërdrejt nga SHBA-ja, në varësi të kostove. Ndërkohë, Ambasada Amerikane në Prishtinë ka theksuar se SHBA-ja sheh potencial bashkëpunimi me Kosovën në fusha si energjia, mbrojtja, infrastruktura dhe teknologjia e informacionit.Sipas KIESA-s, gjatë vitit 2024, investimet amerikane në Kosovë arritën në rreth 87 milionë euro.
