Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisioni Qendror i Zgjedhjeve është në fazën përfundimtare të procesit të certifikimit të kandidatëve për zgjedhjet lokale të 12 tetorit. Deri më tani, nga 104 subjekte që kanë aplikuar, janë certifikuar 58, ndërsa 46 të tjera – përfshirë edhe partitë kryesore parlamentare – janë ende në pritje të vendimit. Zëdhënësi i KQZ-së, Valmir Elezi, tha për KosovaPress se këto përfshijnë 33 parti politike, dy koalicione, një iniciativë qytetare dhe tetë kandidatë të pavarur. Certifikimi po bëhet në bashkëpunim me institucionet relevante për të verifikuar përshtatshmërinë ligjore të kandidatëve. Nga kandidatët tashmë të certifikuar, 34 garojnë për kryetar komune, ndërsa 476 për anëtarë të kuvendeve komunale. Dy iniciativa qytetare janë refuzuar – njëra për shkak të ngjashmërisë me emrin e një partie tjetër, e tjetra për shkak të një gabimi drejtshkrimor në emërtim. KQZ pritet të marrë vendimet për subjektet e mbetura gjatë kësaj jave, në përputhje me Ligjin për zgjedhjet e përgjithshme.
