Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli i Sigurimit të Organizatës së Kombeve të Bashkuara ka mbajtur seancën e radhës ku është paraqitur Raporti tremujor për situatën në vendin tonë. Gjatë fjalës para të pranishmëve, ambasadorja, Vlora Çitaku ka theksuar se takimet e Këshillit të Sigurimit për Kosovën, janë humbje kohe. Kosova është një republikë e re që ballafaqohet me sfida, por s’duhet të ketë sfida si kjo, që të takohemi çdo tre muaj. Po e marrim kohën me çështje që nuk kanë shumë rëndësi, kjo kohë mund të përdoret për diçka më të mirë. Kemi problemin me refugjatët, ka miliona gra që i janë nënshtruar dhunës seksuale, ka fëmijë që janë në nevojë të strehës dhe ilaçeve. Ambasadorja, Vlora Çitaku ka shtuar më tutje se Kosova po e jep maksimumin si shtet në ruajtjen e paqes në Rajon dhe se Serbia duhet të heqë dorë tashmë nga Kosova. Kosova është e gatshme të vazhdojë tutje, por Serbia duhet të heq dorë nga Kosova. Serbia duhet të kthehet në të kaluarën dhe të reflektojë. Për shumicën e fëmijëve që janë vrarë në Kosovë, kurrë askush nuk është gjykuar, edhe pse ka dëshmi se kush ishin kryesit e veprave. Ç’është duke bërë Serbia. Tani ata dëshirojnë t’i ngrenë memorial Sllobodan Milosheviqit. Cila është porosia që po jep Serbia për viktimat e së shkuarës, duke kujtuar kriminelin më të madh pas Luftës së Dytë Botërore në Evropë, theksoi ambasadorja, Vlora Çitaku.
