Kryetari Haliti nderon me mirënjohje drejtorin e pensionuar të Shkollës Fillore “Safet Rexhepi” në Zhiti

05/09/2025 Institucionet

Me rastin e pensionimit të drejtorit të Shkollës Fillore “Safet Rexhepi” në Zhiti, Musa Osmani, kryetari i komunës së Vitisë, Sokol Haliti, ka vizituar së bashku me zyrtar të Drejtorisë së Arsimit dhe kolektivin e shkollës, në shtëpinë e tij dhe e ka nderuar atë me një mirënjohje për kontributin e dhënë në arsim.

Gjatë kësaj vizite, kryetari Haliti ka vlerësuar lart punën shumëvjeçare të Osmanit, duke theksuar se përkushtimi dhe angazhimi i tij në fushën e arsimit ka lënë gjurmë të rëndësishme në edukimin e brezave të rinj. Ai u shpreh se respekti për mësuesit dhe udhëheqësit e shkollave është respekt për të ardhmen e fëmijëve dhe për zhvillimin e shoqërisë.

Drejtori i pensionuar, Musa Osmani, u falënderua për nderimin dhe mbështetjen që ka marrë gjatë gjithë periudhës së punës së tij, duke u shprehur krenar që ka pasur mundësinë të kontribuojë në edukimin e gjeneratave të nxënësve në Zhiti dhe më gjerë.

Në fund, kryetari Haliti i uroi atij shëndet në këtë etapë të re të jetës, duke ritheksuar se mirënjohja për punën e tij mbetet gjithmonë e gjallë në kujtesën institucionale dhe shoqërore.

Kontrolloni gjithashtu

Edhe një lajm i mirë për fermerët nga komuna e Malishevës

Kryetari i komunës së Malishevës z. Ekrem Kastrati, i shoqëruar nga Drejtori i Drejtorisë për …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara