Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtuesit e Organizatës së Veteranëve të Luftës së Ushtrisë Çlirimtare të Kosovës, takuan të mërkurën kryetarin e BDI-së, Ali Ahmeti, njëkohësisht themelues dhe lider të shqiptarëve në Maqedoninë e Veriut. Gjatë takimit, palët diskutuan mbi situatën e krerëve të UÇK-së që po gjykohen në Hagë dhe ranë dakord për organizimin e protestës së radhës në përkrahje të tyre. Protesta do të mbahet në Shkup, duke synuar të shprehë mbështetjen ndaj liderëve të UÇK-së dhe kundërshtimin ndaj asaj që OVLUÇK-ja e quan padrejtësi në procesin gjyqësor ndërkombëtar. Në një komunikatë për media, OVLUÇK-ja njoftoi:
“Sot pritëm z. Ali Ahmeti, njërin nga themeluesit e UÇK-së dhe të Ushtrisë Çlirimtare Kombëtare. Bashkë diskutuam dhe u dakorduam që protesta e radhës kundër padrejtësisë të mbahet në Shkup.” Ky zhvillim vjen në kuadër të angazhimit të vazhdueshëm të komunitetit të veteranëve dhe liderëve shqiptarë për të mbrojtur figurat historike të UÇK-së dhe për të kërkuar drejtësi ndërkombëtare.
