Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryeinspektori i AKI-së, Burim Ramadani, ka paralajmëruar se situata e sigurisë në Kosovë mbetet e brishtë, veçanërisht në veri të vendit. Ai thekson se mungesa e funksionimit të plotë të institucioneve krijon hapësirë për faktorë të brendshëm dhe të jashtëm për të cenuar sigurinë kombëtare. “Veriu mbetet i brishtë dhe bashkë me të edhe Siguria Kombëtare e Kosovës. Në një periudhë kur shteti është i bllokuar, Qeveria në vakum, s’ka institucione plotësisht funksionale, faktorët nga jashtë e nga brenda nxiten për të cenuar sigurinë tonë,” u shpreh Ramadani. Ai lidh këtë shqetësim me incidentin e fundit të dëmtimit të kanalit Ibër-Lepenc, duke e përshkruar si një dëshmi të pasojave që po shkakton jostabiliteti institucional. “Dëmtimi në kanalin e Ibër-Lepencit tregon një gjë: jostabiliteti institucional në Kosovë po e dëmton sigurinë e shtetit,” tha Ramadani, duke nxitur reflektim mbi nevojën për funksionim të plotë të institucioneve dhe ruajtjen e rendit dhe sigurisë kombëtare.
